影片
更多
2015-05-07
847 瀏覽
好肚餓，周圍都冇位食野。好啦，衝入去試下先啦。紫菜四寶河，聽落穩穩陣陣，就叫佢啦。一如一般粉麵店，唔洗三分鐘已經上枱啦。天呀，唔記得走蔥添，好彩佢分開用湯匙盛住，我可以好輕易整開啲蔥。嗯…好失望，湯底並唔出色既唔係魚湯又唔係其他口味的高湯。係有啲奶白色同有少少咸味，但完全唔知係咩味。都總好過完全似滾水冇味既！河粉正正常常，同一般外面的河粉差不多。份量方面亦算Ok，一位個大男人食一碗剛剛好。不過吸水真係好鬼死快，轉下眼湯俾啲河粉吸曬lu。原來唔止4寶架，有6寶的！魚旦、魚皮餃、墨魚丸、魚片頭、豬肉丸同貢丸的。其實所有丸都好好食，尤其要讚係魚皮餃、墨魚丸同貢丸。我真係食到一粒一粒的墨魚同埋有好重的墨魚鮮味。太子大大粒，又香又彈牙！魚皮餃皮夠曬薄，入面的餡亦好香仲keep住有好多肉汁添。我最愛的必定係貢丸！香菇同肉平均分佈，一點的油so同肉so味都冇，肉質結實度剛剛好，下次可以全程叫淨貢丸米;)!
紫菜四寶河，聽落穩穩陣陣，就叫佢啦。一如一般粉麵店，唔洗三分鐘已經上枱啦。
紫菜四寶河
$32
79 瀏覽
0 讚好
0 留言
嗯…好失望，湯底並唔出色既唔係魚湯又唔係其他口味的高湯。係有啲奶白色同有少少咸味，但完全唔知係咩味。都總好過完全似滾水冇味既！
河粉正正常常，同一般外面的河粉差不多。份量方面亦算Ok，一位個大男人食一碗剛剛好。不過吸水真係好鬼死快，轉下眼湯俾啲河粉吸曬lu。
原來唔止4寶架，有6寶的！魚旦、魚皮餃、墨魚丸、魚片頭、豬肉丸同貢丸的。其實所有丸都好好食，尤其要讚係魚皮餃、墨魚丸同貢丸。
我真係食到一粒一粒的墨魚同埋有好重的墨魚鮮味。太子大大粒，又香又彈牙！魚皮餃皮夠曬薄，入面的餡亦好香仲keep住有好多肉汁添。我最愛的必定係貢丸！香菇同肉平均分佈，一點的油so同肉so味都冇，肉質結實度剛剛好，下次可以全程叫淨貢丸米;)!
張貼
