五感日常 (已結業)

吃貨們都好貪心：想食多又唔想增磅，想好食又唔over budget。呢間位於中環新開嘅五感日常就一次過滿足哂你嘅願望。五感日常好可能係香港首間主打蒟蒻品專門店。蒟蒻曾係WHO定為世界十大保健食品之一，係日本亦都普及成為主食。近乎0熱量，高纖，啱哂我呢啲想控制體重嘅人士！我同朋友放工就一於過尼試試。我哋試左👍🏼 自家雞湯浸娃娃菜：雞湯飲唔到味精味。娃娃菜好清甜好爽，健康感100分！👍🏼香辣和牛炒蒟蒻飯：好神奇嘅口感。蒟蒻本身比較濕潤，炒出尼完全唔熱氣，加埋牛肉粒味道好香。👍🏼烤豬頸肉蒟蒻麵蒟蒻麵好爽，加埋無味精的椰子雞湯好清甜，我哋飲哂成碗！而豬頸肉落左孜然粉，好正！👍🏼蒜香辣椒焗蠔+蒜香牛油雞翼除左健康野，香口野一樣出色！兩樣都好好食好入味，唔會太咸。價錢亦非常合理。飲埋靚靚桔柑水同青檸水，好舒服，好滿足！