影片
更多
2022-12-23
566 瀏覽
食過明興同荔枝角附近另一間石磨腸有次連續兩日食左依兩間，發現明興相對味道同配料都適中好多腸粉入面有菜有蛋，醬汁都係自己煮，炸蒜同辣椒醬都係自己整所以完全食得出好多心機係入面（睇落會以為個汁好重口味，但其實香味道都係由蔥同香油豉油煮過，就咁咩都無點，試過個豉油，咸味係淡過屋企支豉油，但香味好出，味道係岩岩好！唔會過咸/過淡）基本上夠膽分開醬汁同蒜蓉辣椒另上，真係食材係新鮮先會咁做食過另一間極度重口味，朝早食，又咸又辣，到晏晝成家人個胃都好唔舒服（成家人都算好食得辣）因為印象太深刻，所以專登上網揾明興睇下有無訪問片睇點知真係有，原來因為開係醫院附近，可以做下醫院外賣所以就明點解會無咁重口味，同有菜係入面，其實兩間石磨腸都好食，但係長遠黎講，明興真係會回頭食之前有次買唔到蝦腸，所以叫多左個豬潤其實平時麻麻地豬潤，但佢個豬潤唔鞋都唔粉，而且無奇怪味所以每次無蝦腸都會轉豬潤（次次想買蝦腸都sold out，希望揾次食到！）
有次連續兩日食左依兩間，發現明興相對味道同配料都適中好多
腸粉入面有菜有蛋，醬汁都係自己煮，炸蒜同辣椒醬都係自己整
所以完全食得出好多心機係入面
（睇落會以為個汁好重口味，但其實香味道都係由蔥同香油豉油煮過，
就咁咩都無點，試過個豉油，咸味係淡過屋企支豉油，但香味好出，味道係岩岩好！唔會過咸/過淡）
基本上夠膽分開醬汁同蒜蓉辣椒另上，真係食材係新鮮先會咁做
食過另一間極度重口味，朝早食，又咸又辣，到晏晝成家人個胃都好唔舒服（成家人都算好食得辣）
因為印象太深刻，所以專登上網揾明興睇下有無訪問片睇
點知真係有，原來因為開係醫院附近，可以做下醫院外賣
所以就明點解會無咁重口味，同有菜係入面，
其實兩間石磨腸都好食，但係長遠黎講，明興真係會回頭食
之前有次買唔到蝦腸，所以叫多左個豬潤
其實平時麻麻地豬潤，但佢個豬潤唔鞋都唔粉，而且無奇怪味
所以每次無蝦腸都會轉豬潤（次次想買蝦腸都sold out，希望揾次食到！）
題外話/補充資料：
同埋老細真係超好，有次買佢出左去買野，所以等左一陣，最後送左野飲俾我
而今次佢見個半熟蛋熟左小小（真係小小）再整多隻，番到屋企食其實真係無變熟蛋
但見到佢真係超有心！所以我地成家都好鐘意買佢腸粉食
(以上食評乃用戶個人意見 , 並不代表OpenRice之觀點。)
張貼
