Labels Cafe + Bar (已結業)

南豐紗廠除左好多野行，仲有好多野食，而且商場可以帶寵物進入，吸引左唔少人帶狗狗泥食晚飯，隨時仲有隻狗仔係你身邊食緊野添，整個環境感覺非常溫馨。先叫左個南瓜湯暖暖胃，味道非常溫和，南瓜同忌廉分量調配得剛剛好，香滑順口，好快就比我飲哂（如果餐廳可以配埋包比我地就更好了）Labels cafe既主食都唔錯，最近睇緊激辛道，見到青口蒜香意粉上既有幾款不同形狀既辣椒，每款辛辣度都不同，而且蒜辣味十足，即時感覺到餐廳制作既誠意。口痕扮男主角就咁食左粒辣椒，媽呀，真係好辣🤣好彩杯熱情果雜果冰伯爵茶勁好飲，粒粒冰上面都有生果，即時拍粒冰解解辣🤣另外既芝士菠菜意大利雲吞都係意想不到，本身以為會好漏，但係配合返個酸酸甜甜既番茄汁，又得喎！一口接一口，一人三件好快又Ko左。另外甜品十分出色，朱古力brownie配雲呢拿雪糕及紅莓醬，擺盤好有心思，令我地一度以為要淋醬整溶朱古力！之但係原來係要手動打開食既🤣側邊仲有脆脆同埋爆炸糖，不經意地食到爆炸糖，幾驚喜而且好夾。推薦大家試下！我地仲試左affogato, 雲呢拿雪糕質素唔錯，唔會有好假既雲呢拿同埋死甜既問題，淋上expression,一凍一熱，過引又好味。