影片
更多
2019-07-10
136 瀏覽
放工想同朋友飲番杯野，又唔想去諾士佛台咁遠，諗起呢邊都多酒吧，所以同朋友喺呢邊隨意揀一間幾靚嘅就入去啦。估唔到今次呢間又有啲驚喜喎。我哋係比佢個招牌吸引着嘅，入面裝修得幾別緻，而且係開放式廚房嘅感覺好似乾淨企理嘅感覺。我哋喺餐牌上面揀咗好耐都唔知揀食咩好，因為好多都想食，於是我哋決定試吓叫廚師發辦tasting menu，等廚師話事。同埋最重要梗係要叫番枝酒先，我揀咗呢枝本地釀製嘅鹹柑桔啤酒，入口算係淡口，適合我呢啲唔係好鍾意飲濃味啤酒嘅人，啤酒大有少少鹹柑桔味，幾特別㗎。好快就有第一個course，係法國蕃茄配mozzarella cheese ，蕃茄好清甜，最特別嘅係隻碟係冰碟嚟， keep住成個course都夠凍。第二個course相嘅時候好夢幻，因為店員打開個盒入邊係會有煙出，入面嘅海螺好奇特，我哋都未見過，店員好耐心咁同我地講解呢啲叫做西班牙鬼爪螺，仲教我地點樣食添，味道幾鮮甜到我最鍾意嘅係西班牙八爪魚，八爪魚夠爽口彈牙，加埋上面嘅羽衣甘藍，係好特別嘅配搭。呢一味餸叫做慢煮叉燒包配千層腐皮，好fusion嘅菜式，叉燒入口即溶，加埋好咬口嘅包皮，推薦！中間唔記得咗影主菜嘅相，係
我哋喺餐牌上面揀咗好耐都唔知揀食咩好，因為好多都想食，於是我哋決定試吓叫廚師發辦tasting menu，等廚師話事。
同埋最重要梗係要叫番枝酒先，我揀咗呢枝本地釀製嘅鹹柑桔啤酒，入口算係淡口，適合我呢啲唔係好鍾意飲濃味啤酒嘅人，啤酒大有少少鹹柑桔味，幾特別㗎。
好快就有第一個course，係法國蕃茄配mozzarella cheese ，蕃茄好清甜，最特別嘅係隻碟係冰碟嚟， keep住成個course都夠凍。
第二個course相嘅時候好夢幻，因為店員打開個盒入邊係會有煙出，入面嘅海螺好奇特，我哋都未見過，店員好耐心咁同我地講解呢啲叫做西班牙鬼爪螺，仲教我地點樣食添，味道幾鮮甜
到我最鍾意嘅係西班牙八爪魚，八爪魚夠爽口彈牙，加埋上面嘅羽衣甘藍，係好特別嘅配搭。
呢一味餸叫做慢煮叉燒包配千層腐皮，好fusion嘅菜式，叉燒入口即溶，加埋好咬口嘅包皮，推薦！
中間唔記得咗影主菜嘅相，係豬腩，同樣都係做得幾好，肉質鮮嫩，唔會好鞋。最後仲有一個甜品，係有好多唔同層次，食到有啲餅碎、雪糕、水果等等。
總括嚟講呢一間野都幾有心機，不能味道同埋擺盤都做得唔錯。
張貼
