ATUM Restaurant (已結業)

K11購物藝術館內餐廳雲集🏨，其中ATUM Restaurant感覺特別創新同破格。之前都留意到佢哋嘅招牌藝術式甜品好耐🎨，今次試咗晚餐美饌，同樣驚喜不斷。餐廳裝修比較簡約有格調♟，空間感不錯————————————————👅餐前麵包👍🏻坐低無耐就會送上餐前面包，特別有一個黑色嘅麻布袋裝，每人有一塊原味餐包同提子乾合桃麥包🥖，烘烤過嘅麵包真係好香，加埋順滑嘅牛油，倍添滋味👅紫菜海螺·燒青蔥·生蠔飯（$198）👍🏻表面睇淨係見到海螺，咁生蠔喺邊呢？原來生蠔已經融入咗喺燴飯之中🦪，所以每一啖燴飯都充滿濃郁嘅生蠔鮮味，海螺軟Q有彈性🐚，燒青蔥中嘅蔥油香令層次更豐富👅紅酒燉和牛肋肉·鵝肝醬（$268）👍🏻和牛肋肉部位口感偏肉感，所以更適合用紅酒燉煮嘅方法烹調🍷，雖則唔係入口即溶嘅和牛，但係和牛油脂嘅香氣可以縈繞口腔。碟邊嘅淡黃色鵝肝醬加以點綴，併發雙重香味👅炸甜番薯條·檸檬蜜糖醬（$68）👍🏻番薯條本身又甜又脆，單食都好好味，但係食得多都會容易膩，所以呢個時候微酸嘅檸檬蜜糖醬可以中和油膩感🍋👅鹹蛋黃雪糕·豆腐雪糕·黑糖腐皮（$88）👍🏻有法式甜品嘅感覺，小而精緻，鹹蛋黃雪糕別出心裁，食落好似冰