影片
更多
2022-10-16
338 瀏覽
為咗避開由鴨洲過嚟嘅大量旅客，加上吉澳只有呢一間餐廳，我哋係島上閒逛一陣，差唔多12點就衝去食飯。時間尚早，所以唔使等位。餐廳入面嘅枱分兩行，因為係白飯任裝，所以餐廳留咗條好寬敞嘅走廊俾大家裝飯，枱同枱之間就迫，真係背脊對背脊咁。兩個人嗌咗3個餸，朋友嗌米粉，我就揀白飯。同朋友一致認為蒸魷筒銀魚仔係最出色嘅菜式！非常有驚喜！係好多地方買過銀魚仔番屋企食，都覺得幾咸，但呢個銀魚仔完成唔會，夠鮮甜，有少許海魚該有嘅海水味。再加上個豉油，唔咸唔淡，味道剛剛好。既食到銀魚仔嘅新鮮，個汁嘅味道亦唔會蓋過本身魚嘅味，太正😆 反而，魷筒就真心咸，質地係幾好咬口，但無飯送住食的話就真係咸過頭。送飯一流嘅客家炆豬肉🥰 豬肉有啲鞋，但肥瘦比例適中，煮得好入味。豆卜索晒啲餸汁，當然好食。係有啲油同少少咸咗啲，但只要有飯，要消滅呢個餸絕對無問題 。減肥這回事。。。聽日再講😎😎朋友形容為墨魚版嘅山竹牛肉球🤣 見評論推薦所以一心想食，但因為銀魚仔意外地出色，所以呢個菜相對地無咁吸引我哋。的確有一個有特色嘅菜，出面食唔到。做法應該似牛肉球，但由牛肉變成墨魚。墨魚味好香，個丸打得好爽口，記得要趁熱食！整體全部菜式
同朋友一致認為蒸魷筒銀魚仔係最出色嘅菜式！非常有驚喜！係好多地方買過銀魚仔番屋企食，都覺得幾咸，但呢個銀魚仔完成唔會，夠鮮甜，有少許海魚該有嘅海水味。再加上個豉油，唔咸唔淡，味道剛剛好。既食到銀魚仔嘅新鮮，個汁嘅味道亦唔會蓋過本身魚嘅味，太正😆 反而，魷筒就真心咸，質地係幾好咬口，但無飯送住食的話就真係咸過頭。
蒸魷筒銀魚仔
32 瀏覽
0 讚好
0 留言
送飯一流嘅客家炆豬肉🥰 豬肉有啲鞋，但肥瘦比例適中，煮得好入味。豆卜索晒啲餸汁，當然好食。係有啲油同少少咸咗啲，但只要有飯，要消滅呢個餸絕對無問題 。減肥這回事。。。聽日再講😎😎
客家炆豬肉
59 瀏覽
0 讚好
0 留言
朋友形容為墨魚版嘅山竹牛肉球🤣 見評論推薦所以一心想食，但因為銀魚仔意外地出色，所以呢個菜相對地無咁吸引我哋。的確有一個有特色嘅菜，出面食唔到。做法應該似牛肉球，但由牛肉變成墨魚。墨魚味好香，個丸打得好爽口，記得要趁熱食！
招牌墨魚丸
22 瀏覽
0 讚好
0 留言
整體全部菜式份量都唔少，兩個人食得晒都算係咁。估唔到小島都有好西食！
張貼
