龍悅 (已結業)

第一次去小西灣搵朋友，然後朋友帶我哋去小西灣廣場3樓間龍悅食晚飯。我哋叫咗6份原隻鮑魚扣玉掌$118，鮑魚和玉掌都炆得好好味。紅蔥頭貴妃雞一隻，加埋清蒸沙巴龍躉仔及叉燒皇共$128，雖然貴妃雞賣相擺得一般，但係估唔到食落雞肉好滑，仲有好香嘅蔥頭味，條魚又蒸得時間啱啱好，叉燒又好好食。另外仲叫咗鮮淮山雲耳炒金瓜$75、白灼海生蝦$98、客家煎釀豆腐$78、黑椒德國咸豬手$88，都煮得唔錯。總結：食物水準比預期中好食，職員態度又比想像中好，最後仲有送每人一碗紅豆沙，成晚大家都食得好開心。