喜多嬉牡蠣屋 (已搬遷) 新店位置

一入到去店員就叫我哋可以揀定野食，佢地就送咗個前菜九宮格黎😍勁靚賣相！啱哂打卡！！而且勁多種類，每樣小小咁都幾好咼👍🏼九宮格入面包括:•象拔蚌刺身•燒白鰻•時令沙律•天婦羅秋葵•牡蠣刺身•月見燒鳥串•天婦羅紫蘇葉吞拿魚肉蓉•牡蠣茶漬飯好豐富😍當中月見燒鳥串，仲會配個蛋黃俾你點黎食，風味十足❤️燒鳥串，入面脆卜卜似係雞軟骨碎🤭好正！另外一個天婦羅紫蘇葉吞拿魚蓉都好特別!!!!第一次見原來紫蘇葉可以變天婦羅！一啖咬哂，有2個口感👍🏼食完九宮格，店員將我哋頭先叫嘅食物送到!!放題有好多串燒，牡蠣刺身，燒牡蠣帆立貝，烏冬，茶漬飯😍牡蠣刺身叫咗3轉，質素完全無下降，隻隻都好鮮甜，唔會食到腥味㗎👍🏼👍🏼燒牡蠣帆立貝，有3個醬料俾你自己落(蒜蓉，孜然粉，XO醬)蒜蓉不得了！！加咗成個味唔同哂🤩串燒每次都係熱辣辣同等嘅時間長小小，所以都肯定係即叫即燒😚另外一個必食，反而係湯烏冬🤣係有啲搞笑，放題食咁飽嘅野!!但真係數一數二食過好食嘅烏冬！一黎烏冬絕對係日本入口，個麵質、軟硬度都係一絕👍🏼二黎湯底亦都係極鮮甜！竟然食到好重牡蠣味，好正！必定用咗好多去煮個湯👍🏼👍🏼高質必食！！！