Outback Steakhouse (已搬遷) 新店位置

又嚟食outback 時間，去完日本返嚟香港之後發現好想食重卡路里食物🙈今次同男朋友嚟， 其實我事先已經打去問閂門未，我打去尖東嗰間佢哋就話閂啦，但係另外一間就話仲可以上去所以就即刻去。呢間分店佢搬咗位，大約10點45分上到去，佢哋11點就last order,我就那那林叫嘢食。今次叫咗個芝士薯條，如果食開嘅人都知佢份量少左價錢都平左，我覺得呢個份量係啱啱好嘅如果for兩個人，但係如果一大班人嘅時候就可能未必夠食啦，不過都好嘅，因為分量細返少少可以叫多d其他嘢食！🤤🤤薯條好食！配上Monterey Jack cheese , 仲有個農村沙律點醬係最愛嘅！之後叫左個水牛城雞鎚伴藍芝士點醬，2個字！好食！再叫咗個扒，本身要angus但係賣晒, 個侍應推薦另一款，但係我以唔記得咗係邊隻😅記得有牛味，未至於鞋身的！還有肉汁的！至於side dish 都不能睇小! 再叫左個極度邪惡嘅甜品🙈🙈雪糕Brownie❤️❤️每一啖都係卡路里😭但真係好好好好好好食😍😍價錢亦相當化算！諗諗吓其實好食過蜜糖吐司😛今餐為咗減低卡路里吸收，飲品方面我淨係要杯水！而男友就要左杯Stella！好啦！今餐冇令我失望！捧腹