住家菜 (已結業)

八月十九日, 今日返到公司, 一開笠就聞到勁臭天拿水味!!唉... 咁冇辦法啦... 反正又冇帶飯, 唯有跟班同事出街食避一避啦!其實《住家菜》唔係第一次食, 但去到利舞台呢間就第一次咋!我哋六個人, 叫咗四款加埋六個飯餐一齊食 ($38 / 一個餐), 可以配飯或粥, 啲餸有蘿白炆牛腩、口水雞、釀豆腐同鎮江小排骨, 樣樣都幾好味, 特別係個小排骨, 酸酸哋好開胃。每人仲有跟餐一大碗例湯, 今日係冬瓜湯, 清熱消暑, 正!不過我呢碗少咗啲, 叫佢舀噃多少少畀我時個男人有少少唔願咁喎...最後一碗薏米綠豆沙, 唔會好甜, 唔錯, 食完所有嘢真係好飽!! 順帶一提, 呢度係可以添飯, 唔駛加錢架! 不過我反而只食咗半碗飯, 分咗一半畀同事呢~~ 環境一般, 我哋坐咗出面走廊位就覺得幾熱.... 同埋呢度既服務感覺爭少少, 除咗之前唔多願舀噃啲湯畀我個男人, 佢哋都好趕住執走我哋食完既碗碗碟碟, 感覺似乎想我哋快啲食完就走, 好等佢哋可以做多轉客, 搞到我哋都食得有啲趕... 更詳細資料及圖片請看 : http://hk.myblog.yahoo.com/joycewai616/ar