翠華餐廳 (已結業)

星期一中午有事要做，去到旺角突然覺得好肚餓，周圍都冇野啱食，惟有行入最近既翠華，求其食d野就算數。點知未入門口已經比一班篋神逼，又推又撞，見佢咁趕時間咪比佢入先囉入到去樓底好矮，台同台之間好貼，幾乎冇路行，而且成間餐廳都係普通話，好大聲而且無間斷不停係耳邊講野，嘈到頭都痛。餐牌睇左幾次都覺得冇野啱食，是但叫碗魚蛋粉，食完快d走。等左一陣就有得食喇，睇落係細碗小小，但食落都飽，個湯都濃味，但我個人唔係好鍾意呢隻味。埋單都$35，冇野飲，加上座位好逼，樓底矮好大壓迫感，又嘈，搞到個人好煩躁，真係怕怕了。