影片
更多
2018-09-03
103 瀏覽
今日喺中環食Omakase，呢間餐廳環境唔錯，我地6:45pm到坐bar枱，未有人，可能因為今日不停落雨所以少人，好似包左間餐廳咁，哈哈！今日食豪啲，叫個極餐。前菜有松葉蟹蟹蓋，上面有海膽同蟹醬面豉，啲蟹好鮮好甜，夾埋所有一齊食，正！另外仲有個前菜set，入面個北海道粟米超級甜，超好味！！嗰三粒細粒叫’菱角子’，真係未聽過，食落好似薯仔咁，好味喎！跟住有個松茸清湯暖下胃到吃刺身喇！😍有伊佐木，深海池魚，赤身同大toro，大toro好肥好好味！之後輪到天婦羅🍤，呢間餐廳果然係出名天婦羅，睇落好pro! 師傅即場溝粉即時炸，好味！炸漿好薄剛剛好，每款海鮮師傅都有講點咩最好食！然後有個日本紅衫魚，上面淋咗啲海膽汁，估唔到紅衫魚可以啖啖肉，個汁好好味！最後一道天婦羅係日本大蜆，原先睇落以為係茄子🤣，天婦羅大蜆真係第一次食，入面仲好多汁👍🏼之後係蒸魚肉加珊瑚，唔講以為係普通蒸蛋，因為真係好滑！跟住係我最期待的和牛喇！睇落好正，食落都好好味，好肥美，不過只係本人唔太鍾意食太肥，所以如果鍾意食肥美嫩口牛嘅朋友會覺得好正！最後一道鹹點就係梅冰素麵，估唔到係全餐的亮點，啲梅味嘅冰酸酸微微好好味，好開胃，
今日食豪啲，叫個極餐。
前菜有松葉蟹蟹蓋，上面有海膽同蟹醬面豉，啲蟹好鮮好甜，夾埋所有一齊食，正！
另外仲有個前菜set，入面個北海道粟米超級甜，超好味！！嗰三粒細粒叫’菱角子’，真係未聽過，食落好似薯仔咁，好味喎！
跟住有個松茸清湯暖下胃
到吃刺身喇！😍有伊佐木，深海池魚，赤身同大toro，大toro好肥好好味！
之後輪到天婦羅🍤，呢間餐廳果然係出名天婦羅，睇落好pro! 師傅即場溝粉即時炸，好味！炸漿好薄剛剛好，每款海鮮師傅都有講點咩最好食！
然後有個日本紅衫魚，上面淋咗啲海膽汁，估唔到紅衫魚可以啖啖肉，個汁好好味！
最後一道天婦羅係日本大蜆，原先睇落以為係茄子🤣，天婦羅大蜆真係第一次食，入面仲好多汁👍🏼
之後係蒸魚肉加珊瑚，唔講以為係普通蒸蛋，因為真係好滑！
跟住係我最期待的和牛喇！睇落好正，食落都好好味，好肥美，不過只係本人唔太鍾意食太肥，所以如果鍾意食肥美嫩口牛嘅朋友會覺得好正！
最後一道鹹點就係梅冰素麵，估唔到係全餐的亮點，啲梅味嘅冰酸酸微微好好味，好開胃，啲麵夠幼，麵質剛好，正！👍🏼👍🏼👍🏼
甜品係鹿兒島蕃薯🍠，師傅話炸了一個鐘，點沙糖同拔蘭地一齊食，好味喎！尤其係個蕃薯皮！👍🏼👍🏼👍🏼 真係心機菜！
最後係生果，有超甜蜜瓜同晴王提子，食完真係好滿足！
總結，呢間日本餐廳真係主打天婦羅，做得好出色，其他食物都中上水準，不過就嫌服務未夠水平，日本餐廳嚟講真係有待改善，好在師傅夠細心，挽回不少分數！
張貼
