影片
更多
2016-04-14
2873 瀏覽
「一個人的咖啡」就睇過星期六呢個下晝, 學習吓咩叫慢活同老婆嚟咗石硤尾近JCCAC的一家Cafe店 - toolss一個好特別既名字跟cafe完全沒有關係的名字是因為店內除了可以品嚐咖啡及食物之外還可以購買它們的小精品文具等!星期六的下午三點多大家都來這裡來個輕鬆下午茶因為正正係午後太陽店外的圓櫈位置比較曬所以店員開張小木枱, 建議我們坐在店外見到店外這塊黑板仔可見老闆都係畫得之人可能佢開店之前都係一個designer 店內售賣的文具物品沒甚麼特別正所謂「人靠衣裝，物靠包裝」Sorry對於我呢D太實際既人嚟講, 我都好把持得住唔會亂咁買嘢 Hahaha...不過其實呢D都係gimmick嚟最主要都係嚟食個悠閒下午茶我幾欣賞呢個木台佢哋專登做咗幾塊咁樣的木台然後放喺外面的欄杆位置可以供人企向外面飲杯咖啡吹吹水周圍都放咗D綠色植物令到成個環境都舒服D最緊要都係睇番D食物!上食物的速度唔算快! 店內有3個人主要由2個負責廚房, 另一個落單先嚟咗份熱辣辣既熱狗($30)+芝士($8)不過未有杯咖啡濕濕咀所以都係等埋杯咖啡嚟先至食咖啡我哋叫待應妹妹建議俾我哋佢提議我可以叫焦糖咖啡我不嬲都比較抗拒
「一個人的咖啡」就睇過
星期六呢個下晝, 學習吓咩叫慢活
同老婆嚟咗石硤尾近JCCAC的一家Cafe店 - toolss
一個好特別既名字跟cafe完全沒有關係的名字
是因為店內除了可以品嚐咖啡及食物之外
還可以購買它們的小精品文具等!
星期六的下午三點多大家都來這裡來個輕鬆下午茶
因為正正係午後太陽
店外的圓櫈位置比較曬
所以店員開張小木枱, 建議我們坐在店外
見到店外這塊黑板仔可見老闆都係畫得之人
可能佢開店之前都係一個designer
店內售賣的文具物品沒甚麼特別正所謂「人靠衣裝，物靠包裝」
Sorry對於我呢D太實際既人嚟講, 我都好把持得住唔會亂咁買嘢 Hahaha...
不過其實呢D都係gimmick嚟最主要都係嚟食個悠閒下午茶
我幾欣賞呢個木台佢哋專登做咗幾塊咁樣的木台
然後放喺外面的欄杆位置
可以供人企向外面飲杯咖啡吹吹水
周圍都放咗D綠色植物令到成個環境都舒服D
最緊要都係睇番D食物!上食物的速度唔算快! 店內有3個人
主要由2個負責廚房, 另一個落單
先嚟咗份熱辣辣既熱狗($30)+芝士($8)
不過未有杯咖啡濕濕咀所以都係等埋杯咖啡嚟先至食
咖啡我哋叫待應妹妹建議俾我哋佢提議我可以叫焦糖咖啡
我不嬲都比較抗拒焦糖或榛子咖啡
因為怕會太過甜!
不過我照她提議的叫咗一杯
發覺如她所講真係唔算太甜, 仲覺得味道不錯!
拉花就唔算太靚仔, 隔離的曲奇都屬一般, 牛油味唔重, 好粉!
然後再嚟咗碟蜜糖焗薯仔粒($48)待應妹妹話呢今日有3款小食係新加的
因為update唔切, 所以餐牌上面冇
其中一款就係呢樣啦!
賣相不錯, 而且有咁多粒都覺得幾好
不過薯仔粒仲好脆好生, 煮得唔夠林! (我唔知道係佢本身原意定係真係唔夠熟)
而且冇薯味因為俾外面多樣既調味粉同蜜糖蓋過哂
仲有最後叫咗呢份Squid ball其實英文直解應該係魷魚丸
但係其實只不過係普通墨魚丸
點解會用個紙袋裝住? 因為實在等得太耐
因為我哋要4:30去接小朋友放學, 所以只好叫老婆先行去接佢哋
我等埋份墨魚丸同叫佢同紙袋入住俾我拎走
不過真係好普通的墨魚丸塗上調味粉墨魚丸唔爽, 似成舊粉球咁!
其實佢哋在食材及煮法上努力D, 這裡一定會係一個不錯的地方!
題外話/補充資料：
睇過幾篇關於toolss的報導, 都係稱讚它的環境, 人情味等方面, 卻少提到它的食物, 其實當餐廳的環境及食物價錢走高價路線時, 顧客同樣期望食物的質素, 如果toolss既食物在茶餐廳吃到, 我會覺得幾特別, 不過在這個環境及價錢下我會覺得一般, 而且幾款食物當中都係靠調味料去增加味道, 並不是食物的本身! toolss希望你哋喺食物方面再努力努力!!!
(以上食評乃用戶個人意見 , 並不代表OpenRice之觀點。)
張貼
