影片
更多
2005-07-25
21 瀏覽
14-7-2005 1945首先多謝openrice 差唔多半年來俾到我一生最快樂的時候。我自己及的friend平時好少食越南菜，最多係叫下的炒粉麵飯加埋小食，都未試過可以一次食咁多菜式，加埋來自五湖四海及不計較大家出身的食友，正是這裡的力量。還要多謝經常攪活動及不收分文賺取收入的網友們。經KC兄的推介，今次的聚會在這個會所式的餐廳進行，好不熱鬧，主菜連麵包、炒粉麵及甜品，共有十五款，唔知點解整體上我坐既檯上菜速度比一般既快，奇怪奇怪。首先上的頭盤涼伴鳳爪，只可形容為不凍不熱不酸不辣，大家心中有數；越盤拼盤周不時都有食，咁大碟還是第1次，裡面都不外是豬肉蝦片、蔗蝦、春卷、炸蝦餅，蝦片冇食外，其他都有試到，都係實(際)而不華(麗)及熱辣辣，值得一試伴著吃的生菜也很新鮮油綠。海龍皇湯表面平平冇奇，但製湯的料絕不稀場，包括蕃茄、西芹、紅蘿蔔及洋蓉等等，味道幾好，可惜裡面的海鮮料唔多兼有係咁易俾的你的心態，欠誠意的湯，否則也是不錯的；椰青蟹係眾多菜式我最喜愛的，爽椰青完全調出青蟹的味道及鮮味，自己都食左唔少；油浸筍殼魚自己只食了魚尾的部份，炸得來都唔錯，縱使油份都幾多，但仍吃得多；兩味咖喱，分
首先多謝openrice 差唔多半年來俾到我一生最快樂的時候。
我自己及的friend平時好少食越南菜，最多係叫下的炒粉麵飯加埋小食，都未試過可以一次食咁多菜式，加埋來自五湖四海及不計較大家出身的食友，正是這裡的力量。還要多謝經常攪活動及不收分文賺取收入的網友們。
經KC兄的推介，今次的聚會在這個會所式的餐廳進行，好不熱鬧，主菜連麵包、炒粉麵及甜品，共有十五款，唔知點解整體上我坐既檯上菜速度比一般既快，奇怪奇怪。
首先上的頭盤涼伴鳳爪，只可形容為不凍不熱不酸不辣，大家心中有數；越盤拼盤周不時都有食，咁大碟還是第1次，裡面都不外是豬肉蝦片、蔗蝦、春卷、炸蝦餅，蝦片冇食外，其他都有試到，都係實(際)而不華(麗)及熱辣辣，值得一試伴著吃的生菜也很新鮮油綠。海龍皇湯表面平平冇奇，但製湯的料絕不稀場，包括蕃茄、西芹、紅蘿蔔及洋蓉等等，味道幾好，可惜裡面的海鮮料唔多兼有係咁易俾的你的心態，欠誠意的湯，否則也是不錯的；椰青蟹係眾多菜式我最喜愛的，爽椰青完全調出青蟹的味道及鮮味，自己都食左唔少；油浸筍殼魚自己只食了魚尾的部份，炸得來都唔錯，縱使油份都幾多，但仍吃得多；兩味咖喱，分別為雞及牛腩，前者咖喱汁只係普通同埋雞肉不太好，相反牛腩加入左蕃茄，突出左咖喱的鮮味，加上牛腩稔及入味，雞為比牛腩遜色得多啦；蒜蓉包冇食到，唔評論，法包睇落又係平平無奇，食落先至好野來，相對來說，食友們普通不太喜歡蒜蓉包；洋蔥蝦聞落好重香料味，食落又唔係太勁，不過當佢係乾煎蝦碌會理想一的；炸軟殼蟹唔夠香脆，聞落既香料又和洋蝦有點相似，不過我覺得應該已經算係咁，而家係食越南菜，不是只係海鮮餐。香茅燒雞“節”在兩旁則的青檸，味道也分別醒神，我好欣賞這隻雞唔肥兼唔係雪藏；去到尾聲時，越式炒飯及越式炒河粉只係試了少少，油份稍為多左少少，本來應該食七成飽，都有九多五。椰汁拉椰糕係熱食，幾軟身，但少少偏甜。
連啤酒汽水，埋單除開條數，我也覺得比想像之中貴，因有部份食友有不同理由的甩底，可以理解，但對辦聚會的人來講有一定會氣餒，希望所有參加者能夠珍惜聚會的時刻，不是個個人都好似我地咁可以無時無刻出來聚會。
題外話：縱觀路邊社的消息，我坐的檯的菜式清得最快，用我對白鴿眼來觀察其餘兩檯似乎係，但未係最澈底，皆因的阿姐趕頭趕命咁要清曬所有的碟。例如炒飯及炒粉冇乜點動過工，只係專兄係度吹曬水先有咁既錯覺，希望爐兄及Dickson 仔以後可以承繼這個“傳統”就好啦。
張貼
