影片
更多
2013-02-25
1345 瀏覽
見到雜誌介紹佢做緊試食優惠，原價$388，2月試食只需$264。見平咁多，老公即使喉嚨痛都要黎食。我地食6:00係第一枱客，但到走既時候都唔夠10枱客，少人得可憐。入到去係坐卡位，並無師博係前面煮，只係有個投射SCREEN睇到個師博煮。叫左2人鐵板燒SET，有湯、沙律、刺身，鮑魚，龍蝦、2款海鮮，2款肉類、炒菜，烏冬，甜品。佢係用張FORM自己TICK食咩，跟住交俾職員。但張FORM又無寫清楚係一人TICK一張定一個SET TICK一張。都研究左好耐先知點TICK。我後尾都見好多客都要問左先識點TICK。指示唔夠清晰，有待改善。沙律無咩特別。牛奶湯稀得可憐，好似飲水咁。刺身少得可憐，一人得一片，帶子仲有一人得個半粒，好寒酸。無咩酒味，同清蒸差不多。一人送半隻龍蝦，芝士煙肉唔錯，但隻龍蝦啲肉好霉。海鮮揀左蠔同三文魚。蠔OK都幾JUICY，但三文魚就太熟，如果入面仲係有少少生就仲好味。肉類揀左豬肉同牛肉。豬肉得4條，少得可憐。牛既份量比較多。第一次鐵板燒食牛唔問要幾成熟，佢煮到差不多七成熟。黑椒汁淨係得個辣字，食唔到其他味，啲牛又UN好似食香口膠咁。十分不濟要左蕃薯同牛油炒雜菌。蕃薯幾甜幾
我地食6:00係第一枱客，但到走既時候都唔夠10枱客，少人得可憐。
入到去係坐卡位，並無師博係前面煮，只係有個投射SCREEN睇到個師博煮。叫左2人鐵板燒SET，有湯、沙律、刺身，鮑魚，龍蝦、2款海鮮，2款肉類、炒菜，烏冬，甜品。
佢係用張FORM自己TICK食咩，跟住交俾職員。但張FORM又無寫清楚係一人TICK一張定一個SET TICK一張。都研究左好耐先知點TICK。我後尾都見好多客都要問左先識點TICK。指示唔夠清晰，有待改善。
沙律無咩特別。牛奶湯稀得可憐，好似飲水咁。
刺身少得可憐，一人得一片，帶子仲有一人得個半粒，好寒酸。
無咩酒味，同清蒸差不多。
一人送半隻龍蝦，芝士煙肉唔錯，但隻龍蝦啲肉好霉。
海鮮揀左蠔同三文魚。蠔OK都幾JUICY，但三文魚就太熟，如果入面仲係有少少生就仲好味。肉類揀左豬肉同牛肉。豬肉得4條，少得可憐。牛既份量比較多。
第一次鐵板燒食牛唔問要幾成熟，佢煮到差不多七成熟。黑椒汁淨係得個辣字，食唔到其他味，啲牛又UN好似食香口膠咁。十分不濟
要左蕃薯同牛油炒雜菌。蕃薯幾甜幾好味，但一人得一片。炒雜菌完全食唔到牛油味，除左金菇有少少咸味，其他菇係完全無味。
一人一碗烏冬，都唔錯，幾彈牙。雪糕拼鮮果。我要左芝麻味，老公要左綠茶味。
芝麻味幾香，仲食到一粒粒。老公既綠茶味就差啲，淨係得苦澀味，無綠茶味。兩片生果都好甜。
題外話/補充資料：
我地用左一個鐘就食完呢餐，都係紀綠上食得最快既鐵板燒。可能因為無師博係前面煮，同你傾下計，玩下花式咁。又係第一枱客，個師博太得閒好快就煮好哂啲野食，一次過上哂。上菜速度太快，搞到我地都唔知食邊野先好，鐵板燒應該係食完一樣先一樣，咁先可以熱辣辣送到客人面前。
都係見特價先黎試試，二百幾蚊都尚可以接受，要我俾$388黎就真係無咩可能。
(以上食評乃用戶個人意見 , 並不代表OpenRice之觀點。)
張貼
