金邊粉泰國菜

營業中

休息中

球場旁邊有好幾間食肆，暫時只係食過呢間泰國菜館，感覺非常良好。第一回喺食下午茶，叫咗金不換炒金邊粉，諗住都係細細碟，點知大碟到食唔晒，好彩帶定食物盒出街。自己超鍾意食香草，碟粉上枱時香氣四溢，開心！金邊粉冇炒到一pat pat，乾身得嚟夠鑊氣；料多有芽菜、大大件雞肉、蛋絲；墊底生菜翠綠企理冇啡邊，食到底冇油淋淋，屬誠意製作。撈埋辣椒粉，越食越起勁。後來午飯時段再嚟，試吓海南雞飯，上枱驚見係食雞脾，賣相靚，份量大。同上次喺大埔水門食的一樣，屬清淡雞飯系列，不過呢度的雞件明顯肥美、嫩滑、有雞味；飯同樣少油，但較香。濃香醬汁喺成碟飯的靈魂，薑味重於鹹辣，清新惹味，撈飯點肉唔少得。熟客多，店員唔會對生客厚此薄彼，服務勤快周到。