影片
更多
2023-03-31
1221 瀏覽
有朋自遠方來，想同佢去食其中最受香港人歡迎嘅日式放題。極尚大瀛喜放題限時兩個鐘，想食最好預先定book位。餐廳樓底高，有獨立卡座，都坐得幾舒服。我哋用QR code落單，餐廳另設有有熟食、飲品、甜品自助區，任飲任食同朋友盡情食嘢瘋狂一番。#刺身一坐低首先點轉刺身，刺身款式多，冰鎮花海蜇喺呢類型放題比較少有，三文魚、油金魚、劍魚腩、帶子、甜蝦···⋯點完都好快送到上枱，擺盤都靚，以二百幾蚊一位限時放題嚟講，刺身都算唔錯，唔係得返雪味嗰隻。個人鍾意帶子、油金魚同甜蝦，都幾鮮甜，點咗幾轉。另外泰式虎蝦個生蝦汁夠蒜香酸辣好惹味。#壽司壽司款式都唔少，仲有火焰壽司同手卷 ，試唔晒全部。#鹽燒左口魚邊壽司，充滿魚油香。#海膽手卷，海膽細粒但鮮甜，encore之選，最緊要飯唔大嚿。個人喜歡主攻刺身同壽司，所以熟食都係輕輕淺嘗。#鹽燒牛舌，係薄切，輕輕用鹽醃燒至焦香，有嚼勁。#燒有幾新鮮菠蘿，夠熟，燒後更加甜，酸酸地可以消滯。#金銀蒜蓉蒸扇貝、黃金醬燒開邊蝦正常水準，試一隻就夠。自助區有多款前菜、生果、熟凍蝦、青口、葡撻⋯⋯#蟲草花膠雞湯，食得多刺身凍嘢，都會想飲碗熱湯。#青瓜辣椒爽魚皮，爽口惹味，可
#刺身
一坐低首先點轉刺身，刺身款式多，冰鎮花海蜇喺呢類型放題比較少有，三文魚、油金魚、劍魚腩、帶子、甜蝦···⋯點完都好快送到上枱，擺盤都靚，以二百幾蚊一位限時放題嚟講，刺身都算唔錯，唔係得返雪味嗰隻。
個人鍾意帶子、油金魚同甜蝦，都幾鮮甜，點咗幾轉。另外泰式虎蝦個生蝦汁夠蒜香酸辣好惹味。
#壽司壽司款式都唔少，仲有火焰壽司同手卷 ，試唔晒全部。
#鹽燒左口魚邊壽司，充滿魚油香。
#海膽手卷，海膽細粒但鮮甜，encore之選，最緊要飯唔大嚿。
個人喜歡主攻刺身同壽司，所以熟食都係輕輕淺嘗。
#鹽燒牛舌，係薄切，輕輕用鹽醃燒至焦香，有嚼勁。
#燒有幾新鮮菠蘿，夠熟，燒後更加甜，酸酸地可以消滯。
#金銀蒜蓉蒸扇貝、黃金醬燒開邊蝦正常水準，試一隻就夠。
自助區有多款前菜、生果、熟凍蝦、青口、葡撻⋯⋯#蟲草花膠雞湯，食得多刺身凍嘢，都會想飲碗熱湯。
#青瓜辣椒爽魚皮，爽口惹味，可以試少少。
飲品種類多，亦有酒類提供，雪糕雪條款式都唔少，自助軟雪糕機俾你自己唧軟雪糕。
無漏單，上菜同執枱有效率，雖然都係基本。埋單$284/ 1位，呢個價錢呢種質素，CP值高，食得好滿足。
#極尚大瀛喜日本料理地址：元朗朗日路9號形點1期2樓2001A舖
張貼
