影片
更多
2010-11-24
72 瀏覽
老細出了差, 而寶寶又交了給父母暫管. 難得輕鬆的, 早點回港. 兩個人, 行行旺角, 食個晚飯. 逛了一會花園街, 買了一些必須品. 大家肚子已經餓, 需要找地方食野, 身在太子道的我們, 正在想想那一家茶餐廳時, 突然想起界限街新開了一間齋鋪. 二人決定試新野.呢一個鋪位, 係界限街, 彌敦道, 長沙灣道, 大埔道既交界, 再加上那條由長沙灣道搭去界限街冒天橋, 聽聞, 係風水學上, 呢個位既殺氣係非常重的. 而事實, 呢個鋪位, 做親都係食肆, 但頂多做到年令生意. 這次開了一間齋鋪, 以前關帝鎮不到, 希望呢次籍著觀音娘娘的慈悲, 來教化一下呢一種殺氣.....(以上只是個人推測)...兩個人入來, 受到熱情的招待. 感覺上, 新店為了口碑, 一定會熱情一點. 要點茶, 開點心卡. 格局佈局是傳統的齋鋪. 安頓好自己後, 首要是看看有什麼好食. Menu上, 食物品種多多, 又想食小菜, 又想炒粉麵算數. 看到menu的最後一頁, 有套餐. 二人套餐包一個羹. 羹, 是一個鼎湖上素羹. 侍應好細心的, 知道某部份素食者應為蛋不是素, 落單時問多了一句, 加蛋怕不怕. 有時的確要
逛了一會花園街, 買了一些必須品. 大家肚子已經餓, 需要找地方食野, 身在太子道的我們, 正在想想那一家茶餐廳時, 突然想起界限街新開了一間齋鋪. 二人決定試新野.
呢一個鋪位, 係界限街, 彌敦道, 長沙灣道, 大埔道既交界, 再加上那條由長沙灣道搭去界限街冒天橋, 聽聞, 係風水學上, 呢個位既殺氣係非常重的. 而事實, 呢個鋪位, 做親都係食肆, 但頂多做到年令生意.
這次開了一間齋鋪, 以前關帝鎮不到, 希望呢次籍著觀音娘娘的慈悲, 來教化一下呢一種殺氣.....(以上只是個人推測)...
兩個人入來, 受到熱情的招待. 感覺上, 新店為了口碑, 一定會熱情一點. 要點茶, 開點心卡. 格局佈局是傳統的齋鋪.
安頓好自己後, 首要是看看有什麼好食. Menu上, 食物品種多多, 又想食小菜, 又想炒粉麵算數. 看到menu的最後一頁, 有套餐. 二人套餐包一個羹. 羹, 是一個鼎湖上素羹. 侍應好細心的, 知道某部份素食者應為蛋不是素, 落單時問多了一句, 加蛋怕不怕. 有時的確要問多一問, 萬一那位修行一士, 不吃蛋的, 那就非常之尷尬了.
味道上, 素食一向是清淡的, 猜少少咸, 內裡充滿素肉, 菜粒, 竹笙, 木耳等等的齋料. 味道足, 料夠多, 實是一個不錯的羹.
糖醋排骨, 當然, 呢一個係素肉排骨. 酸酸甜甜的,因為兩個餸都好好送飯, 而且酸甜汁是一個令人開胃的一個汁, 本來我們一碗飯, 兩個人分, 食食下覺得飯不夠. 要來多一碗才行. 而且, 那排骨, 的確有一條骨係中間, 素肉中, 穿上了一條香茅. 搞到真係似排骨, 不過, 我們覺得有點兒多此一舉.
南乳溫公齋煲, 其實等同羅漢齋, 雜雜的齋料齋菜煮埋一窩就是. 用煲上, 加了南乳, 就是什麼溫公齋煲. 基本上, 我們看兩看, 大概都知道點整出來. 雜瓜, 雜菜, 雜菌. 加丁點南乳. 害得我們完全食唔出有南乳味. 不過, 個汁都幾好送飯. 覺得呢一個套餐, 係氹你們叫白飯居多.
期望的甜品, 也是失望的甜品. 芝麻糊, 十成十用粉開, 仲要沖都一粒粒, 未溶哂. 吃了兩口, 完全冇興趣.
簡單的一個晚餐, 味道一般, 但勝在食得自在. 除旁邊一檯食暈人士, 連食狗肉都氧來係齋鋪大談外, 環境地方實是清靜, 希望觀音娘娘真的鎮得住呢一個鋪位. 好讓我們食素的一族, 多一些選擇.
張貼
