No. 5 Lounge (已結業)

今日同同事去傾計食個lunch,經過鴻圖中心的food court，見到呢間No.5 Lounge. 就即刻停低決定食佢。咁我哋一人叫左一個餐，我就叫左一個巴馬火腿意式餡餅，同一杯鮮奶綠茶。而朋友就叫咗一個黑椒牛肉意式餡餅加熱朱古力。講講巴馬火腿意式餡餅，感覺到佢成個包都係新鮮，連個包都係脆的，加埋佢切芝士的厚度同埋巴馬火腿，再配合埋蜂蜜芥末醬，成個配搭都好有好口感同好味。而黑椒牛肉餡餅，同巴馬火腿芝士意式餡餅差唔多，口感好似，都唔錯。仲有聽到佢同事講，原來佢哋啲包每一日都係新鮮拎，非常之欣賞，同埋好味！至於鮮奶綠茶，佢哋嘅拉花好值得影相，飲落口綠茶味幾出，我鍾意飲！朋友比較鍾意飲朱古力，呢個朱古力味幾濃，好飲。整體環境非常之好，絕對係一個可以坐喺度慢慢傾計嘅地方，而且員工的服務態度非常之好！