Cossi (已結業)

星期六去食都有lunch set, 全部set都係$100樓下，叫左個鵝肝黑松露炒蛋漢堡，$65，同焗德國咸豬手，$80。另收加一服務費。黑松露味好香，個包係用牛油煎過，成個包好好食，個包脆脆地，d料就軟軟地咁，不過反而個鵝肝味唔出。連個沙律菜都好好食，個沙律醋好開胃，而d薯角都好脆，即炸。個豬手就唔係好大隻，同埋等左成半個鐘先有得食，個皮有d韌，但d肉反而嫩既。所有套餐都係跟一杯鮮橙汁，仲有一杯餐飲。餐廳環境裝修都好靚，有兩層，好乾淨，座位亦闊落。整體食物環境都好好，價錢亦都算平。