帝京餅店 (已結業)

咁多年都未同過大佬做生日，適逢中秋佳節同細妹新居係伙，咁就以姨甥仔名義訂個蛋糕比大佬大家開心一吓 💗💗🎂為唔方便攞蛋糕嗰個嘅交通，所以揀咗帝京酒店，喺佢哋網站睇，只見到名稱同蛋糕款，完全想像唔到味道同饀料味道，咁就叫姨甥仔篤一款啦 🤣🤣🤣 佢哋一見到有朱古力就話一睇就知呢個好味啦 🤣🤣🤣🤣 咁就訂呢個啦，小朋友每人夾 ＄20，我包底 😅😅蛋糕原來係 custard 拿破崙，有啲朱古力脆米球喺外圍，小朋友的確喜歡，主角都開心 💗💗🎊唯一不足喺蛋糕無固定喺底咭紙度，攞出嚟時移晒位。如果餅店網頁可以詳細啲講解蛋糕味道同結構更加好 👍😅