二宜樓 (已結業)

總共去過三次，三次食物質素都覺得OK，環境舒服，而且免茶錢，都係一間去得過嘅食店。最近嗰次同男友叫咗兩個餸，南瓜竽頭骨同埋鮮蟹肉蒸豆腐。南瓜竽頭肉排做得非常唔錯，啲肉排有彈性而且一啲都唔鞋；南瓜鮮甜，不會過淋；竽頭非常入味又不失竽頭獨有嘅香味。鮮蟹肉蒸豆腐嘅賣相唔係太好，蟹肉少而且四散係豆腐面。雖然賣相平平，但係食落又幾好bor，蟹肉結實鮮甜，吃得出係生拆，非常新鮮。