翠榮雞煲火鍋

營業中

休息中

香辣雞蟹煲$288 老闆推介我地一定要試呢個香辣雞蟹煲，我地大部分人都唔食得太辣，所以最後只係揀左微辣，對我地黎講已經好夠，因為去到後期辣度會再提升一點，但愛辣者不防嘗試挑戰更高層次，佢既麻辣係會令人欲罷不能的。一開始當然要食左煲里面既野食，先講配角，醬汁非常之惹味，加上大量洋蔥，大蔥同幾條小辣椒仔，淨係聞到個香味已經令人口水激增，食落更加無懈可擊。再講講里面既幾樣主角，拎到出黎其實都已經可以即刻食得，快靚正，第一樣係一隻大肉蟹，雖然食起上黎有D麻煩，但隻蟹非常新鮮，而且肉質飽滿，加上小小蟹膏既鮮甜，多D功夫都值得啦。第二樣係大蜆，無十隻都有八隻，每隻都有匙羹咁大，鮮甜中帶有一點點海水既咸味，食極都唔夠。第三樣係魚骨腩，其實無乜骨，大啖肉為主，肉質新鮮彈牙，出到黎已經係燜得好入味。最後一樣當然仲有半隻新鮮雞啦，肉質鮮嫩可口，配合底醬惹味非常，而且每一件都係肉多過骨，絕不取巧。整體黎講呢個煲真係無得輸，又可以迎合到大家既口味，黎到一定要試。