影片
更多
2005-08-17
6 瀏覽
見到飲食男女介紹之後又上黎睇過食評，見到好評佔大多數，所以一直都好想上黎試下，尋晚終於搵到機會又訂到檯，（可惜古法鹽焗雞要預早一日訂）。杏汁白肺湯，好重杏仁味，應該係南北杏白菜煲豬肺，可惜除左杏仁味之外我乜味都飲唔到，淨係「見」到白菜同切到好碎既豬肺粒，感覺上係祇係鹹味杏仁茶，不過既然咁多人讚，就當我唔識貨算啦！豉油雞$200（最少要一隻，冇半隻叫），豉油味幾甜，有雞味，可惜浸得唔太滑，鞋鞋地，豉油唔夠杰身，即係話，唔係有漿力既豉油汁，係水汪汪既豉油水個隻。金銀蛋莧菜，冇乜特別，相信咁簡單既菜式睇唔出師父功架。菜遠生魚球，經理話今晚有大鷹鯧魚喎，叫我地不如試下鷹鯧炒球，鷹鯧就梗係好食啦，我都唔敢問價錢即刻話好（費事肉赤），鷹鯧球先上一層薄漿粉再炒，又香又滑又唔怕炒散影嚮外觀，一碟有成八大塊，每塊切到平時食開Ｄ節瓜咁大舊，我估計冇兩舊水都落唔到樓。點菜點到呢度，經理又話四個人食夠晒架啦！我見兩男兩女都應該夠掛？結果………可能冇叫白飯掛？碟碟清晒都未飽，見四圍檯檯都叫咕嚕肉，叫經理埋黎，經理話加子薑好食Ｄ喎（原價$30，子薑唔知駛唔駛另外加錢），見經理推介咪又試下囉。子薑咕嚕肉，炸得好脆，
杏汁白肺湯，好重杏仁味，應該係南北杏白菜煲豬肺，可惜除左杏仁味之外我乜味都飲唔到，淨係「見」到白菜同切到好碎既豬肺粒，感覺上係祇係鹹味杏仁茶，不過既然咁多人讚，就當我唔識貨算啦！
豉油雞$200（最少要一隻，冇半隻叫），豉油味幾甜，有雞味，可惜浸得唔太滑，鞋鞋地，豉油唔夠杰身，即係話，唔係有漿力既豉油汁，係水汪汪既豉油水個隻。
金銀蛋莧菜，冇乜特別，相信咁簡單既菜式睇唔出師父功架。
菜遠生魚球，經理話今晚有大鷹鯧魚喎，叫我地不如試下鷹鯧炒球，鷹鯧就梗係好食啦，我都唔敢問價錢即刻話好（費事肉赤），鷹鯧球先上一層薄漿粉再炒，又香又滑又唔怕炒散影嚮外觀，一碟有成八大塊，每塊切到平時食開Ｄ節瓜咁大舊，我估計冇兩舊水都落唔到樓。
點菜點到呢度，經理又話四個人食夠晒架啦！我見兩男兩女都應該夠掛？結果………可能冇叫白飯掛？碟碟清晒都未飽，見四圍檯檯都叫咕嚕肉，叫經理埋黎，經理話加子薑好食Ｄ喎（原價$30，子薑唔知駛唔駛另外加錢），見經理推介咪又試下囉。
子薑咕嚕肉，炸得好脆，因為唔夠肥，所以好乾身，甜多酸少，酸得黎唔嗆喉，加左子薑味果然醒神好多，好好食又唔算，不過以$30 蚊呢個價錢又冇乜野可以挑剔。
杏仁糊/ 合桃露，我個friend 話杏仁糊幾好，我自己就食合桃露，合桃先炒香再磨碎，香味夠，不過我嫌太甜。
招呼算幾好，見我地張檯細，主動幫我地轉張大Ｄ既檯，仲專登欏多兩張椅俾我地擺雜物，服務尚算滿意；當晚所見真係座無虛設，唔訂檯唔駛旨意有位，Ｄ乜雞物雞又不停賣清，我建議各位有心去就早一日訂檯，訂檯記得順手訂埋菜。
整體上食得幾開心，可惜價錢偏貴，四個人食七百幾，打個七折就差不多。
張貼