Ulivo Italian Restaurant & Bar (已結業)

星期五嚟食晚飯，餐廳樓底十分高，餐桌有相當距離，坐得非常舒適，大落地玻璃窗望出去，雖然望到天橋底，但向下望海濱道，感覺都唔錯。各位外籍侍應生，都非常友善，笑面迎人，又會同你傾吓計，見我哋自拍又主動過嚟幫我哋影相，令人覺得好開心。食物方面種類唔算多，但意大利餐廳要有嘅都有，味道亦相當不俗，今晚兩個人試咗墨魚沙律，牛小排，雜菇pasta(佢有個特別嘅名不過我已經唔記得咗),奶凍，Tiramisu。樣樣都好好味。兩杯Cocktail味道都唔錯，但係相對就比較貴，近乎$100一杯。好彩用OpenRice訂座有八折。最最最重要嘅係，有充足嘅車位，食$300已經兩個鐘泊位免費，呢個係一個吸引揸車人士嚟嘅重要買點。見佢有promotion，星期三幫襯嘅話pasta買一送一，我哋會再去試吓㗎！