鍋心粥底火鍋 (積存街) (已結業)

上禮拜日,同同事即興飯局,無意中搵到呢間粥底火鍋,咁啱天氣涼涼地,打邊爐啱曬~果日book咗8點半3位,去到大概8點左右,可能糸過咗第一輪飯市冇咁忙,所以好快分到去坐卡位,啲座位大致上都幾鬆動,仲有2樓,因為糸第一次去幫襯,所以唔太知點樣Order,舖頭嘅人都好詳細好耐心咁講解翻~ 墙上更貼咗紙,教人食粥鍋嘅次序,都真糸幾貼心~每人$200有找,除咗有新鮮海鮮之外,仲可以選擇5款肉類或其他,肉類我地揀咗肥牛同豬頸肉...首先上嘅糸粥水鍋底,然後上海鮮(貴妃蚌,大蜆,花蟹,鮑魚,海蝦,蜆仔,魚)問過啲海鮮糸因應當日嘅來貨而定,我地果晚好幸運,有老闆周到嘅照顧~ 老闆除咗一步步咁教我地按次序落食材入鍋,可能見我地雞手鴨腳,所以都索性幫我地整埋~食曬啲海鮮,店員安排咗2碗南瓜粒粒同香芋粒粒落鍋,由得佢慢慢煲至溶,其間,我地享用埋剩餘嘅肉類,老闆見我地食得7788,就吩咐店員攞咗大碗隔水嘅粥嚟,按我地嘅喜愛落鍋煮成粥,仲細心咁將未煲溶嘅南瓜攪溶,重頭戲就糸鍋粥,仲特別配埋菜甫粒,豬油渣,芫荽俾你自己加落去... 未食之前,我同事仲猛話唔夠食,但其實食埋個肉類,已經夠皮~其實与其食啲平價任