潮丸 (已結業)

今天中午與好姊妹走去筲箕灣東大街潮丸食lunch， 因為中秋節食太多月餅，今個中午想食得light D D，所以就嚟粉麵店食個簡單又快的午餐。我叫了佢哋最出名的“特級牛丸王”，配了米粉，牛丸果然爽口彈牙，仲有牛肉香，口感十分好。米粉也不錯，質地也順身的。在配料上我加了冬菜、蔥花、芫荽及芽菜，令到湯底的味道更香更甜。另外好姊妹就叫了自家雲吞王配河粉，河粉很滑身，雲吞好有地道風味，蝦肉新鮮，豬肉香口，雲吞皮厚薄程度剛好。我哋仲叫埋生菜share ，佢哋就會將蠔油分開上，非常貼心啊～飲品方面加＄16仲有柚子蜜及加＄22有咸檸檬蘇打特飲。裝修設計都很新穎， 燈火光猛，仲有佢哋係開放式廚房，都唔會聞到廚房味， 證明佢個抽風系統非常好，而且座位有十分舒適。