Beerliner German Bar & Restaurant (已結業)

一嚟到，先叫2杯德國啤，因為8點前happy hour價! 都好大杯，食一餐飯都夠飲。今次先叫了招牌鮮果沙律，秘製咸豬手同肉眼扒。可能廚師同侍應們都知道食物一次過嚟的話，將枱係放唔晒，所以牛扒同豬手先上，沙律後上。清晒都未夠飽，於是再加麵包籃同冠軍肉腸。食物:沙律好正，生果同菜都好新鮮。雖說豬手唔夠咸，但皮夠脆，肉夠多，薯蓉夠滑，酸椰菜酸味恰到口胃，跟豬手一齊食，即刻冇咁滯!牛扒比豬手還要出色，我哋要5成熟，雖然嚟到時明顯熟多了，但依然鮮嫩，再加上炒香了的洋蔥，好食又好夾。而伴菜嘅瓜菜亦烤得唔錯，水份仍存。麵包都做到德國口味，尤其結麵包，外脆內軟!冠軍肉腸聞說真係攞過獎，只有我們覺得一般。