船皇 (大埔超級城) (已結業)

攞完嘢 7 點幾，諗住求其食個快飯就打道回府，入咗呢間船皇。餐廳以自助形式，買食物比個電子感應牌，食物做好個牌就響，然後自己去領取食物。香葉肉碎炒飯，有隻荷包蛋，肉碎好多好香，但跟上的青檸就乾爭爭唧唔出汁 🤦‍♀️ 金邊粉酸酸甜甜幾開胃，有 5 隻中形蝦仲好爽口添 👍另外叫咗杯檸檬茶，茶底夠香夠厚。由坐底到離開唔過一小時，快靚正，下次可以睇吓有無其他食物試吓。