影片
更多
2015-12-21
529 瀏覽
呢間小型店鋪，喺開張嘅時候，對佢冇乜信心，因為魚生始終係生嘅食物，對衛生嘅要求一定會比較高，驚住食咗會肚痛。但後來見到間鋪前面成日有人等外賣，又心郁郁想試下。佢哋除咗手卷，仲有壽司同便當賣，不過種類唔多。過去我都主要係幫襯佢嘅手卷。佢嘅手卷係做得幾唔錯。塊紫菜夠脆之餘，啲飯除咗暖立立之外，仲係軟韌度適中。個人就鍾情佢嘅三文魚腩手卷，因為嚿三文魚腩夠厚切，食落夠爽有口感，份量都好足，每次個手卷由頭食到尾都食到三文魚，唔會食到篤篤就只係得嚿飯。
佢哋除咗手卷，仲有壽司同便當賣，不過種類唔多。過去我都主要係幫襯佢嘅手卷。佢嘅手卷係做得幾唔錯。塊紫菜夠脆之餘，啲飯除咗暖立立之外，仲係軟韌度適中。個人就鍾情佢嘅三文魚腩手卷，因為嚿三文魚腩夠厚切，食落夠爽有口感，份量都好足，每次個手卷由頭食到尾都食到三文魚，唔會食到篤篤就只係得嚿飯。
三文魚腩手卷
$15
66 瀏覽
0 讚好
0 留言
題外話/補充資料：
不過最近發現間鋪愈嚟愈多人幫襯。除咗落單要排隊外，遇着排喺你前面嗰啲顧客係買便當的話，仲更加等得耐（間鋪只係得三個人做嘢，一個仲淨係負責落單收銀添），閒閒地等你十五至二十分鐘先有得食。唔好話幫襯就有得幫襯，有次行過見佢貼咗張通告話逢星期三休息，間鋪真係幾唔憂做。
(以上食評乃用戶個人意見 , 並不代表OpenRice之觀點。)
張貼
