Shining Restaurant & Lounge (已結業)

之前上網見到呢間新派的酒吧，介紹將潮州菜融入酒吧咁，睇落幾得意就決定嚟試下。原來佢都係酒吧嚟，淨係做C區，大家記得有裝好安心出行先好上去呀。睇左下餐牌，我哋揀左二人餐。侍應介紹餐廳使用白鹵水是自家調製，白鹵水是用於海鮮，味道非常相配，同埋餐廳話係由米芝蓮名廚主理，應該好有保證。老火湯同酸脆蘿蔔都唔錯。脆炸拼盤配黑松露醬好大份，食落熱辣辣，好香口。威士忌酒香鵝肝都第一次見，酒味好香，鵝肝好食。金牌滷水獅頭鵝肉都幾大份，個底仲有豆腐，幾入味。潮式炒米粉炒得好乾身，XO醬幾入味。上湯時蔬係娃娃菜，清清地都幾好食。大家有機會都可以試下。