影片
更多
2021-10-18
1067 瀏覽
朋友生日飯話想食粥底火鍋，佢推薦呢間火鍋極之好味，而且好多人追捧，所以想食嘅話一定要事前訂枱~於是我早半個月前就已經電話book枱，揀左最方便大家嘅長沙灣分店。我地一行五人，book左8-10pm果round，7:55pm去到門口已經見到人滿為患，當我以為門口嘅人係walk in嘅時候，我走上前同侍應講我地係book左枱嘅，點知佢請我稍等，會逐一嗌number入去咁，我先知道原來門口嘅人都係book左枱，連book左枱嘅客人都要逐一輪候，足見餐廳之受歡迎程度！每位客人都必須使用安心出行，我地一行五人掃左碼之後獲安排坐一張大卡位，唔使隔板。四人限聚下，五人一枱而毋需隔板嘅情況真係久違！食物方面，種類比起一般火鍋店嚟講唔算好多，但勝在用料夠新鮮；我地每人嗌左一款海鮮(沙白、鮑魚、蜆、蟶子同埋肉蟹)，按住餐廳嘅建議逐一放海鮮，佢仲設有一個計時器，俾我地計住落左幾耐，一夠鐘就即刻撈上嚟食，非常鮮甜！食完海鮮之後就到普通火鍋材料，有肉丸、蟹柳、小籠包等等，雖然野食唔係任嗌，但佢個份量都係按人頭計，所以一定夠食！(特別大食者另計lol)終於到最後嘅重頭戲 - 火鍋粥底，有一位師傅見我地食得七七八八
我地一行五人，book左8-10pm果round，7:55pm去到門口已經見到人滿為患，當我以為門口嘅人係walk in嘅時候，我走上前同侍應講我地係book左枱嘅，點知佢請我稍等，會逐一嗌number入去咁，我先知道原來門口嘅人都係book左枱，連book左枱嘅客人都要逐一輪候，足見餐廳之受歡迎程度！
每位客人都必須使用安心出行，我地一行五人掃左碼之後獲安排坐一張大卡位，唔使隔板。四人限聚下，五人一枱而毋需隔板嘅情況真係久違！
食物方面，種類比起一般火鍋店嚟講唔算好多，但勝在用料夠新鮮；我地每人嗌左一款海鮮(沙白、鮑魚、蜆、蟶子同埋肉蟹)，按住餐廳嘅建議逐一放海鮮，佢仲設有一個計時器，俾我地計住落左幾耐，一夠鐘就即刻撈上嚟食，非常鮮甜！
食完海鮮之後就到普通火鍋材料，有肉丸、蟹柳、小籠包等等，雖然野食唔係任嗌，但佢個份量都係按人頭計，所以一定夠食！(特別大食者另計lol)
終於到最後嘅重頭戲 - 火鍋粥底，有一位師傅見我地食得七七八八，就同我地講可以上粥底的了，將火鍋湯底嘅精華融入白飯，最後成為一碗碗綿滑美味嘅粥！除左充滿各樣火鍋配料嘅湯底之餘，師傅仲幫我地加左唔少平時食粥常有嘅配料，好似係生蔥、生薑同豬油渣等等，所以今餐除左火鍋之外，我地仲食到粥，真係一餐兩味呀！價錢方面，都只係$200(唔使加一)，但就唔包野飲，要飲野的話就要另外加錢。
最後講下店內環境，店內空間頗大，人客爆滿；不過因為人客太多嘅關係，相對嚟講都會嘈吵一啲，有舊陣時大排檔嘅風味~鍾意呢種感覺嘅朋友不妨一試！
張貼
