味十味 (已結業)

朋友介紹，第一次上黎食lunch, 地點方便易揾。Menu 選擇唔算多，但樣樣都幾吸引，最後試左個日式蒸雞飯。製作時間要30分鐘，其間有少少前菜上。其中一碟係洋葱蕃茄，好味！甜得黎有啲辣。正餐成個爐上，啲飯好新鮮剛蒸好，食落有少少人參味，飯身較軟有少少痴身，食落甘甜幾好味，但係雞肉得好少，哈。環境唔錯，乾淨企理。而且幫襯既都係日本人，好靜。可惜冷氣唔太夠。