日本野 (已結業)

阿女冇得放假去日本好唔開心，我話請佢去旺角食日本野，佢立即笑返。餐廳在銀城廣場樓上，裝潢簡潔乾淨，主打各式的日式料理。自選丼飯配昆布湯，揀咗三文魚、油甘魚、糖心蛋、追加牡丹蝦、活赤貝，溫馨提示：追加除咗加錢外，還要手工費。三文魚和油甘魚肉質肥美，每口都充斥魚油香氣。糖心蛋半熟的蛋黃流出，非常軟滑。牡丹蝦有細綿帶爽的口感，赤貝食落肉質爽厚。豚肉生薑燒丼配昆布湯，豚肉份量多，肉質軟淋，醬汁又甜又香，伴飯一流，加上木魚碎味道更佳。追加厚燒鰻魚玉子三件，玉子厚嫩味帶微甜，卷內是嫩彈既鰻魚，兩者味道融和合拍，加上表層既木魚碎同飛魚子，令整份玉子燒更添美味。熱咖啡香濃七喜帆立貝壽司，大大粒帆立貝，有口感夠新鮮。