日本野 (已結業)

石燒吉列霜降牛小排🥩 - 晚市套餐定食套餐配有日本米飯及溫泉蛋/溏心蛋，仲附送湯/沙律，及飲品一杯。每一件都好大塊，有厚度。應該係我見過算大件嘅吉列牛，而且係即叫即炸，所以外層吉列皮好鬆脆。石板已一早塗上牛油，一D都唔痴底，燒到自己鍾意嘅生熟程度，配上自己喜好嘅口味，分別有：海鹽、芥未沙律醬、辣蒜粒、牛肉汁。牛小排一 D都唔韌，肉質鮮嫩多汁，有油脂得黎又唔會好油膩。溫泉蛋和風燒牛肉丼🐮 - 晚市套餐碗面鋪滿牛肉同柴魚片，配有溫泉蛋同少量紫菜。牛肉份量算多，每塊嘅大細一致，燒到帶有焦香，同時都好有牛味。將溫泉蛋撈埋白飯一齊食，味道更一流。同樣套餐附送湯/沙律，及飲品一杯。餐廳乾淨闊落，店員服務好好，見到我地石板燒到無火，會主動幫我地更換燃料。餐廳除左晚市套餐，仲有其他刺身、壽司、燒物供選擇，啱曬三五知己。