譚仔雲南米線 (翠屏(北)商場)

營業中

休息中

一直都想試下譚仔早餐，但畢竟唔係間間有，出左成兩年都未食過。今日路經觀塘翠屏北商場，見到間譚仔有早餐賣，而且天氣又好凍，終於決定入去食下。今次叫左碗豬潤牛肉番茄湯米線跟熱鴛鴦（$37），並且係姐姐極力推薦下推薦下追加左塊雞排（$8）。本身以為早餐湯粉份量會少些，但出乎意料地D料都幾多，同午餐食果陣差不多。豬潤同牛肉都好嫩，冇臭腥味，鴛鴦好滑。最驚喜係塊雞排，本身上台過時又冇醬又冇汁，以為一定好油又中曬伏咁，點知咬落好脆，又唔乾，好正。最後食到暖笠笠，埋單都係45蚊，唔錯。