HOKO Farm (已結業)

新開又近公司、無理由唔試下嘅！格局、食物有點似北海道XXX。選定食物到Cashier付＄、取了號碼牌自找坐位、餐具自助、快餐型色。鮮牛肉蕃茄雜菜湯通粉伴多士（＄48）雜菜真的好多好多、有西芹、紅蘿蔔、蕃茄和洋葱、口感一流。片片牛肉軟熟。湯底濃稠蕃茄味突出、全碗渴完沒半點口乾。厚多士鬆軟、焦焦地、配合牛油確好味。Cappuccino ($16)用了100％Arabica咖啡豆烘焙、味濃兼香、餘韻力强、提神醒胃。價錢大眾化、以後食晏又多個選擇了。