Ocio (煙廠街) (已結業)

昨晚到Ocio吃晚餐， 途經見到餐廳好多人所以入去試下， 餐牌上有十多款晚餐， 我選擇了兩款是每日限量12份的，奧斯龍蝦熱狗包$108 和焗芝士肉醬千層麵$128， 蜜桃紅茶跟餐， 曲奇雲呢拿奶昔$22， 跟餐加$19 蛋糕。焗芝士肉醬千層麵～ 上枱的時候真是嚇一跳， 點解一隻白色嘅碟會咁多顏色？我開頭以為是花紋😂，其實味道唔錯嘅，不過要注意一下賣相。奧斯龍蝦熱狗包～ 味道正常不是太突出， 龍蝦肉都算幾多。 忌廉湯～ 味道正常。蜜桃紅茶～ 是茶包製的。曲奇雲呢拿奶昔～ 賣相麻麻， 味道正常。芝士蛋糕～ 味道偏甜， 口感太實， 好彩賣相都幾可愛。餐廳價錢平民化， 在旺角區位置方便。