Cafe 103

營業中

休息中

是次係朋友相約慶生午餐，本來都無乜期望，因為印象中以前食過次晚餐都無乜特別，係個景可能靚小小，不過佢隔離既天龍軒就好食好多。咁講返今次既感覺，對我黎講因為本身唔係好食生野同凍冰冰既野，所以以自助餐黎計，係只會圍繞住啲熱食黎比較；而呢間嘢點解可以令到我為佢寫我人生既第一篇食評呢，就係因為我第一個入去攞既食品，係一個日式既茶碗蒸，一啖食落口，嘩的一聲，真係枉費果位姐姐係個暖櫃內攞比我果個表情，扮到好熱咁驚我“辣”親，根本碗野就係冰凍既，其次再食佢啲燒味，又係凍既，大佬呀，點頂呢啲咁既酒店buffet水準呀。十二點開始比人食，啲嘢全部凍冰冰，真係擺咗幾耐無人知😅。對我本人黎講無乜嘢食就梗架啦，因我自己好多嘢唔食姐，其他都無乜想講，係仲想咗個近似日式义燒拉麵，啲湯無味既；以為啲甜品望落可以接受，但揀件粟子蛋糕又出事，唔鹹唔淡又死死實實咁，唉...總之真係一個字-絶。我無理佢性價比係因為我被請食既，所以唔多肯定佢收幾錢，只見朋友係用果啲網站優惠coupon，估計都唔洗五百，不過咁既質素都係嘥錢😅。