Tom Bar & Grill

營業中

休息中

泰式燒牛仔骨配黑椒汁$99主角牛仔骨兩件，件頭算正常，但似是煎左一大堆，在熱燈下保溫，你落單就夾俾你，淋一大殼唔熱既黑椒汁上去浸住佢。伴碟既薯角，同樣係區議員自助餐入面嗰種凍晒硬晒干晒吸晒油既，炸澱粉塊。All Day Breakfast $118唯一最正常係個唔洗煮既煙三文魚，都有兩塊。薯餅似放左成日，吸滿左油，唔脆唔熱。薯餅迷表示要放棄左佢從未捨棄過的薯餅。腸兩條粗短的，同樣，唔熱，應該都係一堆煎左半日，落單夾兩條俾你。蛋，um,正常既蛋，應該無法整定，所以先係唯一落單先炒，但小心如果叫煎太陽蛋，就唔敢包係咪又煎定左半日。牛角包，um, 似係……well, 我只能諗起大陸超市大袋可以擺一年既牛角包。