紅火鮮料火鍋專門店

營業中

休息中

因為今日慶祝生日，特登揀左間又有得打邊爐，又可以韓燒燒肉，仲可以食埋日本野，實行食曬中日韓美食。首先，火鍋湯底我地揀左花膠雞湯 ，餐廳老闆仲好細心咁係我地面前剪開啲雞，保證足料，仲等我地容易啲食，湯底好濃郁，好有雞味，好似煲左煲靚湯咁，我地仲飲左碗先開始落野打邊爐 ，而呢度有好多火鍋靚食材比我地選擇。特別係呢度有鴨血食！好彈牙！而打邊爐最緊要係靚牛，呢度嘅牛肉肉質鮮嫩，好有肉味。而燒肉方面，因為肉類都質素好，所以餐廳都唔需要用太多醬汁醃製，唔會死鹹，配埋特製燒汁食一流！最後，講埋佢地嘅刺身，真係好新鮮，特別推介海膽手卷同埋軟壳蟹手卷。仲要有好多款式忽你揀添。一個價錢食足三款美食，大胃王嘅我哋絕對係值回票價！