盛八日式燒肉放題店 (已結業)

晚上630入去食，一入黎一個女侍應就用警告式既口吻同我講，830一定要準時交台，只收現金。我真係想掉頭走，但肚餓就頂硬上，兩個人食，一坐低叫468最貴果個餐，因為有和牛無限食，但7點30分既時候突然有人俾張單我話多謝$1030，之後7點45分又彈個女侍應黎警告我話我830一定要交台，食唔曬每100克收100，講到我地好似一定會浪費咁。最後8點25分就黎催交台。成場根本用4個字形容，趕頭趕命。野食係唔錯，但係如果你想邊食邊傾計勸你唔好黎，你一定要狂燒狂食。手唔好停。成場既感覺就係 : 唔該你地拿拿臨食完走。