影片
更多
2019-01-14
646 瀏覽
今日又難得可以早放，就相約同事一齊去食餐豐富嘅午餐。因為我哋三個都好鍾意食甜品，就特意搵間主打甜品嘅餐廳。上網一查，發現L.D.K by Ufufu Café 嘅主菜同甜品餐單都好多種類，仲要係用日本食材，所以就決定試下！我哋今次將三份主菜升級到午市套餐，加多$20就多一個沙津，湯或者飯同餐飲，都幾抵。今日嘅餐湯係粟米忌廉湯，個湯好香甜，仲有粒粒粟米，完全就係日本罐裝栗米湯嘅味！我哋三個分別叫咗三種沙津，有煙三文魚，照燒雞肉同鴨胸肉。我嘅煙三文魚分量比想像中多，啲菜爽脆，加埋沙津醬都幾開胃。第一個主菜係豚肉生羌燒撈烏冬。呢碗撈烏冬好足料，勁多片豚肉。可惜豚肉有少少乾，不過撈埋暖泉蛋同甜甜嘅燒汁，食落去就唔會太乾，呢個組合好夾。個燒汁真係有淡淡嘅羌味，所以個汁好有層次，唔會得個甜味。最令我哋欣賞嘅係烏冬，因為條條烏冬都好彈牙，只有日本烏冬先會又彈牙又有麥香。第二個主菜係帆立貝，松葉蟹海膽忌廉汁意粉。本身都怕食蟹會好麻煩，想叫其他意粉，不過同事都話呢三種海鮮好吸引，咁就試下！個意粉一上枱，大家都嘩咗一聲，因為個蟹腳超大件，仲俾咗隻蟹鉗我哋！除咗帆立貝同松葉蟹，原來仲有三文魚子同海膽！除咗海
粟米忌廉湯
$20
24 瀏覽
0 讚好
0 留言
我哋今次將三份主菜升級到午市套餐，加多$20就多一個沙津，湯或者飯同餐飲，都幾抵。今日嘅餐湯係粟米忌廉湯，個湯好香甜，仲有粒粒粟米，完全就係日本罐裝栗米湯嘅味！
沙津
$20
28 瀏覽
0 讚好
0 留言
我哋三個分別叫咗三種沙津，有煙三文魚，照燒雞肉同鴨胸肉。我嘅煙三文魚分量比想像中多，啲菜爽脆，加埋沙津醬都幾開胃。
豚肉生羌燒撈烏冬
$88
47 瀏覽
0 讚好
0 留言
第一個主菜係豚肉生羌燒撈烏冬。呢碗撈烏冬好足料，勁多片豚肉。可惜豚肉有少少乾，不過撈埋暖泉蛋同甜甜嘅燒汁，食落去就唔會太乾，呢個組合好夾。個燒汁真係有淡淡嘅羌味，所以個汁好有層次，唔會得個甜味。最令我哋欣賞嘅係烏冬，因為條條烏冬都好彈牙，只有日本烏冬先會又彈牙又有麥香。
帆立貝，松葉蟹海膽忌廉汁意粉
$198
40 瀏覽
0 讚好
0 留言
第二個主菜係帆立貝，松葉蟹海膽忌廉汁意粉。本身都怕食蟹會好麻煩，想叫其他意粉，不過同事都話呢三種海鮮好吸引，咁就試下！個意粉一上枱，大家都嘩咗一聲，因為個蟹腳超大件，仲俾咗隻蟹鉗我哋！除咗帆立貝同松葉蟹，原來仲有三文魚子同海膽！除咗海膽無咁鮮甜，我哋都好滿意其他海鮮。值得一提嘅係餐廳好細心，俾埋食蟹工具我哋！而我哋其中一位同事仲好抵得諗咁幫我哋拆曬肉，拆出嚟啲肉都唔少架！意粉撈埋啲海鮮，再加埋香濃嘅海膽忌廉汁，超滿足！
吉列豚肉佐咖哩蛋包飯
$148
38 瀏覽
0 讚好
0 留言
吉列豚肉佐咖哩蛋包飯
$148
29 瀏覽
0 讚好
0 留言
最後一個主菜係吉列豚肉佐咖哩蛋包飯。我哋食完之後都極推介呢個蛋包飯！首先，個豚肉好有肉味，而外面炸到卜卜脆，非常香口！因為係日式咖哩，所以個咖哩係偏甜，又唔會好辣。個飯都好有誠意，係蕃茄炒飯。最令我哋欣賞嘅係個蛋，因為佢好滑又香甜，我哋估應該係加咗啲忌廉或者牛奶。香滑嫩口嘅雞蛋包住蕃茄炒飯再上香甜嘅咖哩同埋啖啖脆卜卜嘅豬扒，真係超滿足！
靜岡蜜瓜招牌班戟
$168
31 瀏覽
0 讚好
0 留言
另外我哋仲叫咗兩份甜品，包括靜岡蜜瓜招牌班戟同草莓法式多士。雖然兩款甜品都有啲貴，不過因為有日本水果，所以我哋就決定豪一次！班戟製作需時三十分鐘，所以可以提早落單。我哋食完主菜隔一陣就有甜品嚕。個班戟質感比想像中實，唔係好鬆軟，就勝在有蛋香。好彩個蜜瓜係預期嘅青甜多汁。班戟加蜜瓜，配埋忌廉同蜜瓜雪糕，味道好夾！
草莓法式多士
$168
28 瀏覽
0 讚好
0 留言
最令我哋驚喜嘅甜品係草莓法式多士。因為個多士外脆內軟，入面嘅麵包同蛋漿融埋一齊，超香滑！好似食緊布甸咁！配埋香甜嘅草莓同雪糕，真係無得頂！
餐飲
$20
34 瀏覽
0 讚好
0 留言
最後，上埋餐飲，呢餐豐盛嘅午餐就完結喇！
臨走時，我哋發現原來兩點半之後有下午茶餐，價錢係主餐單嘅一半！超抵！所以我哋都話要再嚟食下午茶！
整體呢講，我哋都好滿意呢餐，雖然價錢少貴，但真係用日本新鮮食材，而且配搭有驚喜，所以我哋都好推介呢間餐廳！
題外話/補充資料：
值得一讚嘅係呢度嘅員工好有耐性同禮貌，佢哋好有耐性咁幫我哋幾位港女影合照，喺我哋發現啲相太光時，佢哋仲主動幫我哋就位影多幾張！
(以上食評乃用戶個人意見 , 並不代表OpenRice之觀點。)
張貼
