華苑酒家 (已結業)

好耐冇食海鮮，喺元朗揾左間任飲任食嘅蒸氣火煱，之前成日行過，一直冇機會試，今次有得試啦！個蒸氣海鮮套餐都幾多款揀，又抵食，包左4款海鮮，而且其他食物都係任叫任點任飲！侍應好有心機介紹，我地揀左象拔蚌仔，貴妃蚌，聖子，同埋龍躉件！ 每樣都夠大隻大份，而且蒸一陣就食得，都吾使落啲咩醬汁都已經好鮮甜，我尤其是喜愛象拔蚌同聖子，好彈牙，爽口，好味呀！另外叫左龍躉件，好嫩滑，都好鐘意食。整體來講都好新鮮，食物好有鮮味，不錯啊~任點食物方面，有雜菜，各款蝦丸牛肉丸墨魚丸等，仲有勁好味嘅蟲草蒸雞件，我叫左4次呀！隻雞真係好好味，釀得好入味，又滑，正！ 仲有不得不提嘅娃娃菜超級甜，不斷重複食，最後嗰碗粥真係堅甜，雖然已經勁飽，但都食倒一碗，哈！食完捧住個肚走返屋企。呢間嘅侍應服務幾好，會同你吹下水，介紹下食材，幾有人情味！