真味鮮廚

營業中

休息中

Item: 真味鮮廚
Rating: 3
Author: 小秘書食記

Tastefull Kitchen

3.5

120 食評

味道

環境

服務

衛生

抵食

2605

將軍澳

$51-100

粵菜 (廣東) 點心酒樓咪嘥嘢食店

資訊:
餐廳:	真味鮮廚

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

小秘書食記

等級4

1.4K

同好朋友慶祝生日，梗係唔可以馬虎啦😉 為咗就壽星女嘅方便，呢日我哋嚟到 #坑口「真味鮮廚」一試佢哋馳名嘅 #長腳蟹同 #燒鵝，睇吓有幾巴閉。可能將近父親節，未夠七點餐廳已經坐滿食客，有咁嘅大場面，#小秘書好耐都未見過👀我同 #首領被指派負責揀蟹，不過大家始終都係門外漢，最終都係交比餐廳員工幫我哋安排😅 等咗大概廿分鐘左右，大大隻「清蒸阿拉斯加長腳蟹」送到我哋面前，師傅好細心，將蟹殼裏面嘅 #蟹膏先撩起，再放入碗內，一啖一口蟹膏用嚟撈白飯🍚認真一流🤤 蟹腳同蟹身都係啖啖肉，爽口嘅肉質非常鮮味，絕對係無得輸🤤 食到一半，我哋先醒起之前叫落嗰隻燒鵝仲未到，細問之下原來經理根本無幫我哋落單😅 三催四請之下… 隻燒鵝終於嚟到我哋面前😅 肉質同調味都唔錯嘅，不過就唔夠熱，#燒鵝皮都已經擺到淋晒，實在有啲可惜🙂‍↕️ 餐廳整體食物水準都算唔錯，係略嫌啲員工比較粗魯，個女員工為咗方便，由開放式廚房將成碟雞傳出嚟，誇過橫桿… 直接由我朋友頭頂上過，再轉手到另一個員工手上，只來都只不過係為咗放上員工用膳枱上… 唔講仲以為自己去咗大排檔添😅😂😂📍 #真味鮮廚 (將軍澳) 坑口培成路18號海悅豪園地

同好朋友慶祝生日，梗係唔可以馬虎啦😉 為咗就壽星女嘅方便，呢日我哋嚟到 #坑口「真味鮮廚」一試佢哋馳名嘅 #長腳蟹同 #燒鵝，睇吓有幾巴閉。可能將近父親節，未夠七點餐廳已經坐滿食客，有咁嘅大場面，#小秘書好耐都未見過👀

我同 #首領被指派負責揀蟹，不過大家始終都係門外漢，最終都係交比餐廳員工幫我哋安排😅 等咗大概廿分鐘左右，大大隻「清蒸阿拉斯加長腳蟹」送到我哋面前，師傅好細心，將蟹殼裏面嘅 #蟹膏先撩起，再放入碗內，一啖一口蟹膏用嚟撈白飯🍚認真一流🤤 蟹腳同蟹身都係啖啖肉，爽口嘅肉質非常鮮味，絕對係無得輸🤤 食到一半，我哋先醒起之前叫落嗰隻燒鵝仲未到，細問之下原來經理根本無幫我哋落單😅 三催四請之下… 隻燒鵝終於嚟到我哋面前😅 肉質同調味都唔錯嘅，不過就唔夠熱，#燒鵝皮都已經擺到淋晒，實在有啲可惜🙂‍↕️

餐廳整體食物水準都算唔錯，係略嫌啲員工比較粗魯，個女員工為咗方便，由開放式廚房將成碟雞傳出嚟，誇過橫桿… 直接由我朋友頭頂上過，再轉手到另一個員工手上，只來都只不過係為咗放上員工用膳枱上… 唔講仲以為自己去咗大排檔添😅😂😂

📍 #真味鮮廚 (將軍澳) 坑口培成路18號海悅豪園地下10號舖