譚仔雲南米線 (偉華中心)

營業中

休息中

蒜泥白肉，比以前大有進步！紅油撞蒜泥，精彩惹味一片接一片停不了，白肉薄切嚥嚥韌韌，捲著蒜泥滾滿紅油塞得嘴仔脹脹更是滿足。過橋米線番茄湯小辣，譚仔真的永不擺盤一鑊熟倒出黎堅堅肉酸，凌亂美嗎？車仔麵賣相都靚您百倍。鋪滿面的雜肉不過不失唔難食，餐牌寫滿食材，雞肉、豬膶、腩肉、豬肉、牛肉、魚蛋、墨丸、牛丸、竹笙、豆卜、腐皮、火腿，但硬係覺得少左墨丸牛丸。冷氣勁凍到噴煙，我都凍到震騰騰，食大辣可以抗寒一下，但這碗只係小辣呢。本來碗湯麵已不太熱，在極寒環境影響下急速變微暖再變凍，湯麵唔熱邊會好食！湯汁全滿鮮茄甜酸味帶點微辣，食慾全開失控狂噬。米線原整長長不散碎不短戚戚，而且滑滑彈牙不過腍不過濕，值得一讚。撈埋大量乳香肉醬連湯大大啖掃入口，夠晒絕啊！最衰唔夠熱令到食味大打折扣。