影片
更多
2022-02-18
1166 瀏覽
/ 𝐒𝐔𝐒𝐇𝐈 𝐘𝐎𝐑𝐎𝐊𝐎𝐁𝐔 鮨㐂疫情下禁晚市堂食, 連食午餐都減少左好多🥲 趁住情人節去咗鮨㐂食Omakase🍣 餐廳位置都算多, 坐得幾舒服😁 當日揀咗12件壽司包括前菜沙律同御湯 $636+10%魚生新鮮, 調味多元化, 食物主要用柚子作調味, 無論前菜蒸蛋定部分壽司, 都見到師傳加左柚子皮, 味道較清新👍🏻每件壽司份量都幾大, 細食嘅女士可以同師傅講少飯🤣前菜: 核桃小女子, 海鮮蒸蛋 壽司: 白蝦, 帶子, 金目鯛, 新鮮北寄貝, 深海池魚, 赤鯥, 甜蝦配蝦膏, 中拖羅(熟成七日), 大拖羅(熟成七日), 鰤魚, 剝皮魚配魚肝, 海膽配毛蟹印象較深刻: 新鮮北寄貝🐚 十分鮮甜又爽口甜蝦🦐 煮熱過既蝦膏令到味道更加突出濃烈, 好香剝皮魚🐠 平時魚肝會放魚生上面, 今次比較特別放中間, 食落口慢慢散發魚肝香味扣分位:最後一件海膽壽司比較失望, 一上碟舊海膽已經跌咗落碟, 而且海膽嘅鮮甜比毛蟹蓋過咗, 個人覺得唔太夾整體來講我未必會食第二次, 個人覺得食omakase除咗魚生新鮮同味道好之外, 師傅嘅手勢同態度都好重要‼️當日師傅交流十分少, 介紹魚類都只係輕輕帶過, 或多或少
𝐒𝐔𝐒𝐇𝐈 𝐘𝐎𝐑𝐎𝐊𝐎𝐁𝐔 鮨㐂
疫情下禁晚市堂食, 連食午餐都減少左好多🥲 趁住情人節去咗鮨㐂食Omakase🍣 餐廳位置都算多, 坐得幾舒服😁 當日揀咗12件壽司包括前菜沙律同御湯 $636+10%
魚生新鮮, 調味多元化, 食物主要用柚子作調味, 無論前菜蒸蛋定部分壽司, 都見到師傳加左柚子皮, 味道較清新👍🏻每件壽司份量都幾大, 細食嘅女士可以同師傅講少飯🤣
前菜: 核桃小女子, 海鮮蒸蛋
壽司: 白蝦, 帶子, 金目鯛, 新鮮北寄貝, 深海池魚, 赤鯥, 甜蝦配蝦膏, 中拖羅(熟成七日), 大拖羅(熟成七日), 鰤魚, 剝皮魚配魚肝, 海膽配毛蟹
印象較深刻:
新鮮北寄貝🐚 十分鮮甜又爽口
甜蝦🦐 煮熱過既蝦膏令到味道更加突出濃烈, 好香
剝皮魚🐠 平時魚肝會放魚生上面, 今次比較特別放中間, 食落口慢慢散發魚肝香味
扣分位:
最後一件海膽壽司比較失望, 一上碟舊海膽已經跌咗落碟, 而且海膽嘅鮮甜比毛蟹蓋過咗, 個人覺得唔太夾
整體來講我未必會食第二次, 個人覺得食omakase除咗魚生新鮮同味道好之外, 師傅嘅手勢同態度都好重要‼️當日師傅交流十分少, 介紹魚類都只係輕輕帶過, 或多或少會影響整個用餐身體驗🥲
Food: 😋😋😋😋(3.5/5)
Price:💰💰💰(3.5/5) $700/pp
Service: 👩🏻💼👩🏻💼(2.5/5)
張貼
