影片
更多
2013-01-08
70 瀏覽
食日本菜最緊要係食材新鮮,最怕係連鎖經營壽司店o既粗製濫造.上個星期同兩個老友去佐敦一帶行街,突然心血來潮想食日本o野,手查車去到吳松街一帶見冇錶位,咪兜大圈出返柯士甸道再由龍堡酒店對面轉左入廟街,轉入路口唔夠1分鐘,,點知真係畀我見到有間日本o野,門口仲要有錶位泊車,咁筍梗係即刻泊車入去試試.o個晚可能成9點幾,所以等(o左)唔使15分鐘就有位,入到呢間四國日本料理,入面裝修都算唔錯,坐位仲唔係死迫爛迫o個隻,而係張張枱都有番咁上下空間感,坐落好舒服好自然.3條友坐bar枱同佢o地個靚仔壽司師傅吹水,原來間鋪開o左半個月都冇,即場問佢有咩推介,佢就叫我o地試下佢個刺身拼盤同章紅魚薄切,等o左太約10分鐘,成盆刺身就捧埋o黎,因為我自己做過日本料理,所以齋睇o的刺身色水已經知道好新鮮,而且師傅絕對唔老土,件件刺身都有返咁上下厚度.講返呢個刺身併盤,入面有三文魚腩,海膽,吞拿魚,劍魚腩,件件刺身都好鬼新鮮,尤其係吞拿魚有入口即融感覺,口感超級肥美,下次再去一定係必叫刺身.食完盤份量十足o既刺身,師傅仲將蝦頭收返入去炸完之後再畀我o地食,老實講呢o的服務真係唔係度度有.另外,招牌o既章紅魚
o個晚可能成9點幾,所以等(o左)唔使15分鐘就有位,入到呢間四國日本料理,入面裝修都算唔錯,坐位仲唔係死迫爛迫o個隻,而係張張枱都有番咁上下空間感,坐落好舒服好自然.3條友坐bar枱同佢o地個靚仔壽司師傅吹水,原來間鋪開o左半個月都冇,即場問佢有咩推介,佢就叫我o地試下佢個刺身拼盤同章紅魚薄切,等o左太約10分鐘,成盆刺身就捧埋o黎,因為我自己做過日本料理,所以齋睇o的刺身色水已經知道好新鮮,而且師傅絕對唔老土,件件刺身都有返咁上下厚度.
講返呢個刺身併盤,入面有三文魚腩,海膽,吞拿魚,劍魚腩,件件刺身都好鬼新鮮,尤其係吞拿魚有入口即融感覺,口感超級肥美,下次再去一定係必叫刺身.食完盤份量十足o既刺身,師傅仲將蝦頭收返入去炸完之後再畀我o地食,老實講呢o的服務真係唔係度度有.
另外,招牌o既章紅魚薄切,食呢樣刺身最考o既係師傅刀功,因為切得太厚o的章紅魚一定軔,一定要切得薄薄o地先會好咬口,但估唔到o既係師傅果然有料到,切到章紅魚o的肉啱啱透到7成光,入口正到爆!
食完呢餐之後,我已經預o左下個月再去一次,因為襯住個老友生日,可以7,8個人食日本o野最開心,到時可以瘋狂咁狂叫o野試!真係諗起都超開心,期待!
題外話/補充資料：
仲有佢o地個天婦羅好鬼好味,用o黎炸o野o既油好新,一定唔係出面o的千年舊油.好味
(以上食評乃用戶個人意見 , 並不代表OpenRice之觀點。)
張貼
