旅鍋火鍋私房菜專門店 (已結業)

好耐無去過旅行，知道尖沙咀有間機場主題火鍋店，就嚟咗打卡🤭佢喺地庫，餐廳都幾大，驟眼睇得幾張枱，但其實有幾間房可以包，啱哂約埋朋友食嘢，有私人空間玩😊Badboy同朋友揀咗日本櫻花蝦沙嗲鍋$98食得出有櫻花蝦味，沙嗲湯又易入味，淥完食已經好夠味😋新鮮南非鮑魚$68餐廳一周年除咗全單8折，仲送每人一隻鮑魚，未食過咗大隻活鮑魚，仲識郁架🫣肉質爽口軟滑，同平時食開嘅唔同，果然新鮮啲係好食啲😋本地手切靚牛皇(細)$298手切得好均勻，牛肉望落油脂分布平均，唔會太肥太瘦，比肥牛厚少少。同沙嗲湯底好夾，沙嗲同牛味融合得天衣無縫🤭又腍又爽，好食👍🏻一大兜份量都唔少。旅鍋椒鹽拼盤$158鮮魷、九肚魚、茄瓜、粟米條好多炸蒜好惹味，麵衣好薄好脆。魷魚偏腍好易咬開、九肚魚好大舊無骨、茄子好大塊得嚟又鮮嫩，意外地好好食。粟米條都唔錯，好易咬😋花雕醉雞件$88見到雞件以為得5、6舊，原來都有成半隻雞😃，惹雕味唔算好重，有啲紀子。肉質好滑。爽口紫薯粉$38第一次見紫薯粉，好奇心叫咗嚟食。口感無紅薯粉咁煙韌，比較腍身。花臉啤酒$38都幾易入口，甜甜地，有啲麥香。